Kərim həmkarına SƏSLƏNDİ: “Səninlə düşmənçilik aparsam, pis apararam”

“Hansı salonda otursan, öz söhbətini et, Kərimin adını çəkmə”.

News24.az bildirir ki, bu sözləri müğənni Kərim Abbasov uzun müddətdir, küsülü olduğu həmkarı Zamiq Hüseynova xitabən “İncə Səhər” verilişində deyib.

Kərim Zamiqin onun arxasınca danışdığını iddia edərək həmkarına ismarış göndərib:

“Ola bilər, məni özünə çox böyük rəqib görür. Amma mən onu özümə rəqib görmürəm. Dostluq anlamında danışıram. Bilmirəm, bəlkə də əsəbisən, məndən acıqlısan, məni özünə düşmən görürsən.

Mən ömrüboyu səninlə düşmənçilik aparmıram. Aparsam, pis apararam. Harada otursan özündən danış, məndən danışma. Necə ki mən səndən danışmıram, sən mənim maraq dairəmdə deyilsən. Hansı salonda otursan, öz söhbətini et, Kərimin adını çəkmə. Bu mənim səndən birinci və axırıncı xahişimdir”./yenicag