Veymar Üçlüyü toplandı
    • 16-03-2024, 16:20
    • 192

Veymar Üçlüyü toplandı

Olaf Scholz Almaniyanın paytaxtı Berlində Polşanın Baş naziri Donald Tusk və Veymar Üçlüyünü yaradan Fransa prezidenti Emmanuel Makronu qəbul edib. Təxminən 2 saat davam edən görüşdən sonra üç lider mətbuata açıqlamalar verib. Almaniya kansleri Şolz açıqlamasında deyib: “Biz indi Ukraynanı qlobal bazarda daha çox silahla təmin edəcəyik. Bu, yaxşı inkişafdır".

News24.az xəbər verir ki, Ukraynadakı tərəfdaşlarla əməkdaşlıq çərçivəsində hərbi texnika istehsalının da genişləndirilməsi lazım olduğunu bildirən Şolz, “Gördüyünüz kimi, üçümüz də Ukraynaya verdiyimiz dəstəyi ciddi şəkildə göstəririk” dedi. Uzaq mənzilli raket artilleriyasının təmin edilməsi üçün Ramstein formatında koalisiya yaradılacağını bildirən Şolz, gələcəkdə silah almaq üçün Avropada dondurulmuş Rusiya varlıqlarından da istifadə edə biləcəklərini bildirib.

Avropada sülh və azadlığın müdafiəsi üçün həmrəylik və birgə fəaliyyətin vacib olduğunu bildirən Scholz, “Bizim birliyimiz hər zamankindən daha çox gücümüzdür. Üç dövlətin, xüsusilə Almaniya, Polşa və Fransanın xüsusi məsuliyyəti var. “Biz Ukraynanı dəstəkləyirik, lakin Rusiya ilə müharibə aparmırıq".

Günel Məlikzadə