Tayvana bir milyon dollarlıq yardım

Yaponiya hökuməti zəlzələdən zərər çəkən Tayvana bir milyon dollarlıq təcili yardım göndərəcəyini açıqlayıb.

News24.az xəbər verir ki, Xarici işlər naziri Kamikava Yoko açıqlamasında yeni il ərəfəsində Noto yarımadasında baş verən zəlzələdən sonra Tayvan xalqının səxavətlə yardım etdiyini bildirib.

"Əhəmiyyətli dostlar kimi Yaponiya və Tayvan qarşılaşdığımız hər bir çətinlikdə bir-birini dəstəkləyiblər" Kamikava dedi.

Zəlzələdən sonra Tayvanın ən qısa zamanda sağalması və yenidən qurulması üçün kömək etmək istədiklərini ifadə edən Kamikava, lazımi köməyi davam etdirəcəklərini vurğuladı.

Qeyd edək ki, qida, su və tibbi ləvazimatlar daxil olmaqla 1 milyon dollar dəyərində təcili yardım "Yaponiya-Tayvan Mübadilə Assosiasiyası" vasitəsilə bölgəyə köçürüləcək.

Günel Məlikzadə