“Gürcüstanın seçimi ya müstəqillik, ya da köləlikdir” – Zurabişvili

Rusiya qanununun parlamentə təqdim edilməsi hökumət üçün məğlubiyyətin ən böyük əlamətidir.

News24.az xəbər verir ki, bunu Gürcüstan Prezidenti Salome Zurabişvili deyib.

“Bu gün biz bilməliyik ki, heç nə Gürcüstana və onun müstəqilliyinə təhlükə yarada bilməz. Bu, Gürcüstanın qələbəsi, Gürcüstanın müstəqilliyi günüdür və bu günün mənası odur ki, Gürcüstanın müstəqilliyinə heç kim təhlükə yarada bilməz. Heç kim bizə heç nə edə bilməz.

Bəzilərinin cəsarət edib aprelin 8-də yenidən Rusiya qanunlarını tətbiq etməsi onların məğlubiyyətinin ən böyük əlamətidir. Bu gün, sabah və o biri gün Gürcüstana rus işarəsi, Rusiya bayrağı və rus əsarətində olan heç kim qalib gəlməyəcək. Qərbin reaksiyasının necə olacağını bilmirəm, amma burada əsas odur ki, biz nə istədiyimizi bilirik. Biz ya aprelin 9-da baş verənləri, ya da 9 aprel 1991-ci ildə baş verənləri istəyirik. Gürcüstan üçün seçim ya müstəqillik, ya köləlik, ya Avropa, ya da Rusiyadır. Nə istədiyimizi bilirik. Əgər bilmirsinizsə, öyrənin və oxuyun”, - deyə  Zurabişvili bildirib.

Mehriban Mirzəzadə