“Lokomotiv”in əsas zəif tərəfi üzə çıxdı

Rusiya xokkey yığmasının keçmiş baş məşqçisi , hazırda  Sankt-Peterburqdan "Dinamo"ya rəhbərlik edən və eyni zamanda Moskva "Dinamo"sunun baş direktorunun müşaviri olan Vladimir Krikunov Qaqarin Kubokunun ilk finalçısı - Yaroslavlın ən zəif tərəflərindən danışdı.

News24.az  xəbər verir ki, o bu barədə Legalbet-ə açıqlama verib.

“Lokomotivin hücumu və müdafiəsi çox yaxşı işləyir, lakin rəqib qeyri-bərabər heyətlə oyuna girə bilər. Çoxluq və azlıqda Yaroslavl liqanın ən yaxşı komandası deyil. Finala qədər onların üzərində çox iş var. Ancaq yenə də hər şeyi əhval-ruhiyyə müəyyənləşdirir: indi Yaroslavl komandası hiss edir ki, həqiqətən də Qaqarin Kubokunu ala bilərlər”, - Krikunov qeyd edib.

Mütəxəssis onu da vurğulayıb ki, “Lokomotiv”in baş məşqçisi İqor Nikitin çox balanslı heyət seçib və uğur qazanmalıdır, çünki o, uzun müddətdir - 2021-ci ilin sentyabrından klubda işləyir.

“Nikitin üçüncü ildir ki, oradadır və nəticə göstərmək vaxtıdır. Yaroslavlda  qalib gəlmək üçün hər cür şərait var ”, - deyə Krikunov bildirib.

Qeyd edək ki, “Lokomotiv” 2009-cu ildən sonra ilk dəfə Qaqarin Kubokunun finalına yüksəlib. Yarımfinalda Yaroslavl komandası dörd görüşdə Çelyabinsk Traktorunu məğlub etdi.

Mehriban Mirzəzadə