Tokioda "Fələstin üçün danış" aksiyası
    • 13-04-2024, 13:42
    • 168

Tokioda "Fələstin üçün danış" aksiyası

Yaponiya qeyri-hökumət təşkilatlarının üzvləri və Tokioda yaşayan müsəlmanlar paytaxtdakı Şincuku stansiyasının qarşısında bir araya gəliblər.

News24.az xəbər verir ki, stansiyanın qarşısındakı piyada zolağında “Fələstin üçün danış” mövzusunda keçirilən tədbirdə nümayişçilər nağara, saksafon, sinc kimi alətlərlə ritm saxlayaraq mahnılar oxuyublar.

Fələstin bayraqları daşıyan nümayişçilər “Yaponiya hökuməti, İsraili atəşkəsə çağır”, “Fələstini azad edin” və “Terrorçu İsrail hökuməti” kimi şüarlar səsləndiriblər.

İsrail ordusunun Qəzza zolağına hücumlarına etiraz edən nümayişçilər əllərində "İsrailə qarşı sanksiyalar tətbiq edin" və "Yaponiya xalqı Fələstin xalqının yanındadır" yazılı plakatlar qaldırıb.

Günel Məlikzadə