Videomu paylaşıb məni biabır etmək istəyirlər - Cahangir Əsgərov
    • 25-04-2024, 15:09
    • 229

Videomu paylaşıb məni biabır etmək istəyirlər - Cahangir Əsgərov

"Mən artıq təqaüdə çıxmışam. Hazırda pensiya alıram".

News24.az xəbər verir ki, bunu "Unikal"a açıqlamasında "Azərbaycan Hava Yolları" QSC-nin (AZAL) sabiq prezidenti Cahangir Əsgərov deyib.

O bildirib ki, Milli Aviasiya Akademiyasının Avianəqliyyat istehsalatı kafedrasının müdiri vəzifəsindən də ayırılıb:

"Vəzifədə olmadan akademiyada necə dərs deyə bilərəm? İnsanların mənimlə bağlı sosial şəbəkələrdə yazdıqlarına çox rahat baxıram. Hər kəs öz işi ilə məşğul olur. Sosial şəbəkələrdə mənim rəqs etdiyim videonu paylaşırdılar. Əgər o adamlar məni biabır etmək istəyirlərsə, mən onlara bir söz demirəm.

İndi mən övladlarımla, nəvələrimlə İsmayıllıda və Nabranda istirahət edirəm, amma ölkədən kənara çıxmıram. Özüm ərizə yazıb işdən ayrılmışam".