Hansı qidalarda maqnezium var?

Maqnezium əlavələri son zamanlarda çox populyardır. Ancaq bədənimiz üçün çox vacib olan maqneziumu pəhriz vasitəsilə asanlıqla əldə edə bilərsiniz. 

News24.az xəbər verir ki, maqneziumun gündəlik istehlakın qadınlar üçün 300 milliqram, kişilər üçün isə 400 milliqram olması tövsiyə olunur. Yaxşı, hansı qidalarda maqnezium var? 

1. Bol kakaolu tünd şokolad maqneziumla zəngin qidalardan biridir. 100 qram tünd şokoladın tərkibində 146 milliqram maqnezium var. Şokolad yemək istəmirsinizsə, çiy kakau da yeyə bilərsiniz. 1 xörək qaşığı xam kakaonun tərkibində təxminən 40 milliqram maqnezium var.

2. Avokado maqneziumla zəngin qidadır. 100 qram avokadoda 29 milliqram maqnezium var.

3. Badam və fıstıq maqneziumun ən zəngin qaynaqlarıdır. Bu qoz-fındıqların hər ikisində 100 qramda təxminən 280 milliqram maqnezium var. Fıstıq həm də maqneziumun mühüm mənbəyidir. 28-30 fıstıq yediyiniz zaman 50 milliqramdan çox maqnezium alacaqsınız. Fıstığı fıstıq yağı kimi də rahatlıqla yeyə bilərsiniz

4. Təbii ki, qurudulmuş meyvələri qeyd etməyə bilmərik. Xüsusilə qurudulmuş əncir və quru xurma əhəmiyyətli maqnezium qaynaqlarıdır. 100 qram əncirdə 17 milliqram maqnezium, 100 qram xurmada isə 54 milliqram maqnezium var.

5. Mətbəxin vazkeçilməz maddələrimizdən olan paxlalılar maqnezium məsələsində bizi yarı yolda qoymur. Xüsusilə mərcimək, noxud və soya daha da zəngin maqnezium qaynaqlarıdır. 100 qram qaynadılmış mərciməkdə 36 milliqram maqnezium var. Bir az da digər paxlalılar haqqında danışaq. Məsələn, 100 qram quru paxlada 190 milliqram maqnezium, 100 qram qara lobyada isə 171 qram maqnezium əldə etmək mümkündür.

Günel Məlikzadə