"Rəfah hücumu bir çox problemləri həll edəcək"

İsrailin dövlət televiziyası KAN-ın məlumatına görə, Netanyahu Qəzza sərhədi yaxınlığında keçirilən hərbi hava şousunda iştirak edib.

News24.az xəbər verir ki, Netanyahu buradakı çıxışında, "Rəfəh əməliyyatı bir çox məsələni həll edəcək. Bu, təkcə onların qalan Briqadalarının məğlubiyyəti ilə məhdudlaşmayacaq (Həması göstərir), həm də qaçış və gücləndirmə üçün istifadə etdikləri tunelləri əhatə edəcək" deyib.

Netanyahu hazırda çox mühüm bir müharibənin şahidi olduqlarını və bu müharibə bitdikdə düşməni məğlub etməyə daha yaxın olacaqlarını müdafiə edib.

Oktyabrın 7-də HƏMAS-ın hücumunu qabaqcadan görə bilmədiyi üçün istefa verməyi düşünüb-düşünmədiyi ilə bağlı sualı cavablandıran Netanyahu, "Uğursuzluq məsələsi məni, o cümlədən hökumətin hər bir üzvünü narahat edir, lakin hazırda yeganə diqqətimiz qələbədir. Bizim yüzlərlə insanımız, əsgərlər buna görə bizim üçün döyüşürlər” deyib.

Qeyd edək ki, İsrail ordusu mayın 6-da verdiyi açıqlamada məcburi köçkün fələstinlilərin sığındığı Rəfahın şərqindəki bəzi məhəllələrin boşaldılmasını istəyib və mayın 7-də səhər saatlarında Qəzzanın Rəfah bölgəsinə qurudan hücuma keçdiyini açıqlayıb. Misirlə sərhəd qapısının Qəzza tərəfini ələ keçirdiyini bildirib.

Günel Məlikzadə