Baş Prokurorluq Gəncədə konfrans keçirəcək

Baş Prokurorluq Gəncədə “Ekoloji hüquqpozmalar: maariflənmə və qanunvericiliklə nizamlanma” adlı işgüzar konfrans keçirəcək.

Bu barədə News24.az-a Baş Prokurorluğun mətbuat xidmətindən məlumat verilib.

Bildirilib ki, mayın 30-da Baş Prokurorluq Gəncədə 15 regionun prokurorluqları, hüquq-mühafizə orqanlarının əməkdaşları, digər dövlət qurumlarının, habelə təhsil müəssisələrinin məsul şəxslərinin iştirakı ilə konfrans təşkil edəcək.

Tədbirdə, həmçinin dövlət qurumları ilə qeyri-hökumət təşkilatları və media arasında müzakirələr aparılacaq. Toplantı çərçivəsində, Gəncə Şəhər Prokurorluğunda “Açıq qapı” günü də olacaq.

Xatırladaq ki, Baş Prokurorluq tərəfindən 10-dan çox regional konfrans keçirilib.