Ronaldonun gələcəyi bəlli oldu

"Əl Nəsr"in baş direktoru Qvido Fienqa hücumçu Kriştiano Ronaldonun gələn mövsüm də klubda qalacağını bildirib. 

News24.az xəbər verir ki, bu barədə jurnalist və insayder Fabrizio Romano X sosial şəbəkəsindəki səhifəsində yazıb.

Bundan əvvəl mediada Ronaldonun Avropaya qayıda biləcəyi barədə məlumatlar yayılıb. Alman Bayer onunla maraqlanıb, lakin forvard Səudiyyə Ərəbistanında oynamağa davam etmək qərarına gəlib.

Xatırladaq ki, 2 yanvar 2023-cü ildə Ronaldo ildə 200 milyon avro aldığı müqaviləyə əsasən Səudiyyə Ərəbistanından "Əl-Nasr"ın oyunçusu olub. Portuqaliyalı hücumçu 2023-cü ildə komandanın baş məşqçisi Erik ten Haqla yaşanan gərginliyə görə “Mançester Yunayted”lə müqaviləsini ləğv etdikdən sonra Səudiyyə Ərəbistanından kluba keçib.

Eyni zamanda, Ronaldo 9 il "Real Madrid"də, 3 il isə Turində "Yuventus"da çıxış edib. Portuqaliyalı karyerası ərzində beş dəfə “Qızıl top” qazanıb və beş dəfə Çempionlar Liqasının qalibi olub.

Günel Məlikzadə