Rəşad Sadıqov: “Qarabağ”ın olduğu yarışda titul qazanmaq asan deyil” – MÜSAHİBƏ

“Mövsümün son oyunudur. Kubokun finalında bayram abu-havasında oluruq.

News24.az İdman.biz-ə istinadən xəbər verir ki, bunu “Zirə”nin baş məşqçisi Rəşad Sadıqov deyib.

O, Azərbaycan kubokunun “Qarabağ” ilə sabah keçiriləcək final görüşünə həsr olunan mətbuat konfransında fikirlərini açıqlayıb: “Sevinirik ki, bu bayramın bir parçası olacağıq. Biletlərin də sürətlə satıldığını görürəm. Azarkeşlər oyuna maraq göstərirlər. Biz ikinci dəfə “Qarabağ”la finalda qarşılaşacağıq. Birinci dəfə penaltilər seriyasında rəqib qələbə qazandı. İstərdik ki, bu dəfə də maraqlı mübarizənin şahidi olaq. Ciddi rəqibdir. Sonda sevinən tərəf olmaq istəyirik. Oyundan öncə danışmaq mənə həmişə çətindir. Amma layiqli qələbə qazanmaq istəyirik”.

- “Qarabağ”la finalda yenə penalti seriyasına təkrarlana bilər?

- ⁠Finalda hər şey ola bilər. Adətən həlledici oyunlar gərgin mübarizə şəraitin keçir. Sabah nə necə olacağını isə bilmirəm. Öncədən praqnoz vermək çətindir.

- ⁠Avropa Liqasında potensial rəqibləriniz bəllidir. Bu barədə nə düşünürsüz?

- ⁠Öncədən nəsə demək çətindir. 7 rəqibdən biri bizik. O haqda düşünmürük. Bütün fikrimiz Azərbaycan kubokunun finalı ilə bağlıdır. Düşünürəm ki, avroliqadakı oyunlarımız daha fərqli keçəcək.

- “Zirə” məhz sizin vaxtınızda ilk dəfə finala çıxdı və Premyer Liqada “Qarabağ”ı məğlub etdiz. Amma komanda ilə yanaşı, sizin də titulunuz yoxdur. Bunu reallaşdırmaq üçün motivasiyanız nə dərəcədə yüksəkdir?

- ⁠Açığı, bir tərəfdən düşünürəm ki, bu il qarşıya qoyduğumuz hədəfi yerinə yetirmişik. İndi daha rahatıq. Sabah final oyunda zövqli bir oyunun keçməsini istəyirik. Hamı titul qazanmaq istəyir. Amma “Qarabağ”ın olduğu yarışda titul qazanmaq asan deyil. Biz bu il rəqibə qarşı 4 oyun keçirmişik. Sabah finalda bütün futbolçular maksimum dərəcədə gücünü ortaya qoyacaq. İl ərzində “Qarabağ”a qarşı oyunlarımız pis alınmayıb. Sabah qalib də gələ bilərik, məğlub da ola bilərik.

- Heyətinizdə Vladislav Kulaç cəzalıdır, Fillip Paxtman zədəlidir. Başqa itkiləriniz də var?

- ⁠ Başqa itkimiz yoxdur. Final öncəsi Rüstəm, Məqsəd, İsa Cibriel uzun müddət zədəli olduqlarından formada deyillər. Heç nə etmək olmaz. “Qarabağ”ın da müəyyən itkiləri var. Sabah itkilərin heç bir önəm daşıyacağına inanmıram.

- ⁠”Zirə” sabah gərgin olmayacaq?

- ⁠Bunu oyundan sonra dəyərləndirə biləcəyik. İki il öncə ilə bu iki komandanı analiz etsək, çox fərqlər var. “Qarabağ” rekord nəticə əldə edib. “Zirə” tarixində də bu il yeni səhifə açılıb. Ona görə hər iki komanda yaxşı inkişaf edib.

Qeyd edək ki, final matçı saat 20.00-da "Liv Bona Dea Arena"da keçiriləcək.