![AUKUS hərbi ittifaqına daha bir ölkə qoşula bilər](/uploads/posts/2024-06/aukus_ib.webp)
-
- 2-06-2024, 10:59
- 109
AUKUS hərbi ittifaqına daha bir ölkə qoşula bilər
Yeni Zelandiya Avstraliya, Böyük Britaniya və ABŞ-nin daxil olduğu AUKUS hərbi ittifaqının ikinci sütununa qoşula bilər.
News24.az Teleqraf.com-a istinadən xəbər verir ki, bunu Yeni Zelandiyanın müdafiə naziri Judit Kollins Sinqapurda keçirilən "Şanqri-La" forumunda deyib.
AUKUS-un ikinci komponenti qeyri-nüvə silahlarının birgə inkişafını nəzərdə tutur.
"Yeni Zelandiya AUKUS-un ikinci komponentində potensial olaraq iştirak etmək imkanlarını araşdırır, lakin iştirakla bağlı istənilən qərarı hökumətimiz verəcək" - deyə müdafiə naziri vurğulayıb.
Asiya Təhlükəsizlik Sammiti "Şanqri-La Dialoqu" 2002-ci ildən Sinqapurun Şanqri-La otelində keçirilən illik hökumətlərarası təhlükəsizlik forumudur. Forumda APR (Asiya-Sakit Okean) ölkələrinin müdafiə nazirləri və digər hərbi rəhbərləri iştirak edirlər.