Lənkəranda səhər saatlarında doğulan körpə əməliyyatda öldü

Lənkəranda bu gün səhər saatlarında doğulan körpə ölüb.

News24.az “Report”a istinadla xəbər verir ki, hadisə Lənkəran Perinatal Mərkəzində qeydə alınıb.

Yaxınlarının dediyinə görə, qeysəriyyə yolu ilə dünyaya gələn körpənin səhhətində heç bir problem olmayıb. Sonra uşağın ürək döyüntüləri yoxlanılaraq əməliyyata götürülüb. Əməliyyat zamanı uşaq ölüb.

Meyit daxili və xarici müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə aparılıb. Ekspertizanın verəcəyi rəydən sonra ölümün dəqiq səbəbləri bilinəcək.

Faktla bağlı rayon prokurorluğunda araşdırma aparılır.