Dünyanın ən dəyərli şirkəti OLDU

Nasdaq birjasında satılan Kaliforniya mərkəzli çip istehsalçısı Nvidia-nın səhmləri 18 İyun Çərşənbə axşamı  saat 22.10-a olan məlumata görə 3 faizdən çox dəyər qazanaraq bir səhm üçün 135.96 dollara yüksəlib.

News24.az xəbər verir ki, səhmlərinin artması ilə şirkətin ümumi bazar dəyəri 3,34 trilyon dollara çatıb.

Beləliklə, Microsoft-un 3,32 trilyon dollarlıq bazar dəyərini keçən Nvidia, dünyanın ən dəyərli şirkəti olub.

Qeyd edək ki, Nvidia-nın səhmləri süni intellekt çiplərinə tələbat artmaqda davam etdiyi üçün ilin əvvəlindən 170 faizdən çox dəyər qazanıb.

Nvidia-nın bazar dəyəri iyunun əvvəlində ilk dəfə olaraq 3 trilyon dolları keçib.

Günel Məlikzadə