İran: Kalibaf prezidentlik yarışında irəlidədir

İranın Məşhəd şəhərində yerləşən “Şenaxt” sosial araşdırmalar və məlumatların təhlili mərkəzi iyunun 13-15-də ölkə üzrə yaşı 18-dən yuxarı olan 1000 nəfər arasında telefonla aparılan ictimai rəy sorğusunun nəticələrini dərc edib.

News24.az xəbər verir ki, vətəndaşlardan hansı namizədin lehinə səsvermə hüququndan istifadə edəcəklərinin soruşulduğu sorğuda heç bir namizəd prezident olmaq üçün tələb olunan 50 faiz + 1 səsi ala bilməyib.

Bütün iştirakçılar əsasında səsvermə hüququndan istifadə edəcəyini bildirənlərin nisbəti 52,1 faiz; Seçkiyə getməyəcəyini deyənlərin nisbəti 29,2 faiz, səs verib-verməyəcəyinə qərar vermədiyini deyənlərin nisbəti isə 18,7 faiz olub.

Seçkilərə qatılacaqlarını bildirənlər arasında iştirakçıların 34 faizi mühafizəkar namizəd, parlament sədri Kalibafı dəstəkləyəcəyini bildirib.

İslahatçıların yeganə namizədləri Təbriz deputatı və keçmiş səhiyyə naziri Pezeşkian və Ali Milli Təhlükəsizlik Şurasının keçmiş baş katibi Cəlili sorğuda ikinci yeri bölüşüblər.

Sorğunun nəticələrinə görə, bu iki namizədin səsvermə nisbəti 21 faiz olub.

Digər namizədlər arasında Əmir Hüseyn Kadızadəhaşimi 2 faiz, Mustafa Purmuhammedi 1 faiz, Əli Rza Zəkani isə 1 faiz səs toplayıb.

Səs verəcəyini deyənlərin 16 faizi hansı namizədi dəstəkləyəcəklərinə hələ qərar vermədiyini, 4 faizi isə cavab vermədiyini bildirib.

Qeyd edək ki, İranda iyunun 28-də keçiriləcək seçkilərdə islahatçı qanaddan yalnız bir namizəd Məsud Pezeşkian, mühafizəkarları isə Məhəmməd Bakır Kalibaf, Səid Cəlili, Əmir Hüseyn Kadızadəhaşimi, Əli Rza Zəkani və Mustafa Purmuhammedi təmsil edir.

Günel Məlikzadə