Avro-2024: UEFA onları cərimələdi

Avro-2024-ün qrup mərhələsinin ilk oyunundan sonra Xorvatiya və Albaniya yığmaları cərimələnib.

News24.az axar.az-a istinadla xəbər verir ki, bunu UEFA məlumat yayıb.

Bildirilib ki, xorvatlar azarkeşlərinin meydana müxtəlif plastik əşyalar atması və matç zamanı məşəl yandırması səbəbindən 87,875 avro cəzalandırılıblar.

Bəzi fanatlarının məşəl yandırması, meydançaya əşyalar atması və ikinci hissədə meydana daxil olması isə Albaniyanı 37,375 avro ziyana salıb.

Qeyd edək ki, Xorvatiya ilk oyunda İspaniyaya 0:3, Albaniya isə İtaliyaya 1:2 hesabı ilə uduzub.