Şahzadə Diananın şəxsi əşyaları rekord qiymətə satıldı

Bütün dünyada zərifliyi və yardımsevərliyi ilə tanınan şahzadə Diana ölümündən 27 il keçməsinə baxmayaraq hələ də unudulmur. Britaniya xalqının qəlbində xüsusi yeri olan Uels şahzadəsi Diananın əşyaları hərracda satılıb.

News24.az xəbər verir ki, şahzadə Diananın paltarları və məktubları da daxil olmaqla bir vaxtlar kral ailəsinin üzvlərinə məxsus əşyalar kolleksiyası Kaliforniyada keçirilən hərracda 4 milyon funt sterlinqdən çox qiymətə satılıb.

200-dən çox parçadan ibarət kolleksiya Şahzadənin şəxsi əşyalarının ən əhatəli kolleksiyası elan edilib.

Qeyd edək ki, onun 1987-ci ildə London və Almaniyada geyindiyi Viktor Edelşteynin dizayn etdiyi axşam paltarı 910 min dollara satılıb. Paltar təxmini qiymətindən 4 dəfə baha satılır.

Şahzadə Diananın iki dəfə geyindiyi Murray Arbeidin mavi paltarı da gözləntiləri aşaraq, gözlənilən qiymətin 4 qatını 780 min dollara satılıb. Şahzadənin 1988-ci ildə Richmond Stadionunda və 1992-ci ildə Notting Hilldəki məktəbini tərk edərkən Şahzadə Harrinin geyindiyi Uokerin dizayn etdiyi çəhrayı çiçəkli ipək köynək 444.500 dollara satılıb.

Bu paltardan əldə edilən gəlirin bir hissəsi adı çəkilən digər xeyriyyə təşkilatları arasında Böyük Britaniyada Muscular Distrofiyaya bağışlanacaq.

Hərraca həmçinin Şahzadə Diananın 20-dən çox əlyazma məktubu, qeydləri və bayram kartları daxil edilib. 

Bildirək ki, Diananın 1984-cü ildə Harridən hamilə ikən Maud Pendriyə yazdığı üç səhifəlik məktub 44.450 dollara, təxmini qiymətindən 15 dəfə baha satılıb.

Günel Məlikzadə