Karateçimiz Avropada qızıl medal qazandı

Azərbaycan karateçisi Rahib Əzim (+76 kq) Xorvatiyanın Poreç şəhərində keçirilən Karate 1 Liqa yarışında qızıl medal qazanıb.

News24.az Axar.az-a istinadla xəbər verir ki, təmsilçimiz 21 yaşadək idmançıların mübarizəsində fəxri kürsünün ən yüksək pilləsində qərarlaşıb.

Qeyd edək ki, komandamıza bu yarışda Azərbaycan Karate Federasiyasının baş katibi Qabil Sayadov və gənclərdən ibarət yığmanın baş məşqçisi Anar Allahverdiyev rəhbərlik edir.