![Metro və vağzallarda pulsuz su paylanır](/uploads/posts/2024-06/moskva-isti.webp)
-
- 30-06-2024, 16:18
- 1 152
Metro və vağzallarda pulsuz su paylanır
Moskvanın bəzi metro stansiyaları və avtovağzallarında pulsuz su paylanılması təşkil edilib.
News24.az Axar.az-a istinadla xəbər verir ki, bu barədə Moskva meriyası məlumat yayıb.
“Yüksək temperatur səbəbindən 40-dan çox məntəqədə sərnişinlərə pulsuz içməli su paylayırıq. Bütün metro stansiyalarında və vağzallarda səsli məlumatlardan və plakatlardan istifadə edərək, moskvalılara və paytaxt qonaqlarına isti havalarda təhlükəsizlik qaydalarını xatırladırıq: diqqətli olun və sağlamlığınıza nəzarət edin”, - məlumatda bildirilib.
Qeyd edək ki, bugündən başlayaraq, 5 iyula qədər Moskvada anomal istilərlə bağlı xəbərdarlıq edilib.