Olimpiadanın rəsmi sponsoru - Rihanna

Dünyaca məşhur Barbadoslu müğənni Rihanna həm musiqi karyerasında, həm də iş dünyasındakı uğurları ilə adından söz etdirib.

News24.az xəbər verir ki, Forbes-in ABŞ-ın öz sərvətlərini qazanan ən zəngin qadınları siyahısına daxil olan Rihannanın Fenty Beauty brendi Olimpiada ilə sponsorluq müqaviləsi imzalayıb.

Rihanna bu xəbəri cümə axşamı səhər sosial şəbəkədə paylaşıb. O, 2017-ci ildə təsis etdiyi gözəllik brendinin bir ay davam edəcək qlobal tədbirdə onun rəsmi “premium tərəfdaşı” kimi xidmət edəcəyini söyləyib.

36 yaşlı müğənni bu xəbəri Eyfel qülləsi qarşısında gəzərkən və əlində brendindən olan böyük ölçülü dodaq parıldadıcı şüşəsini tutan fotosu ilə açıqlayıb.

Qeyd edək ki, sosial şəbəkə istifadəçiləri fotonun orijinal versiyasını tez tapıblar.

Orijinal fotoda iki uşağının atası olan reper A$AP Rocky Eyfel qülləsinin qarşısında gəzir.

Rihannanın paylaşımı qısa zamanda böyük bəyənmə toplayıb.

Günel Məlikzadə