İsrail Hərbi Hava Qüvvələrində beynəlxalq səyahət qadağası

İranın İsrailə qarşı başlatması gözlənilən genişmiqyaslı cavab hücumunun nə vaxt baş verəcəyi maraq doğurur və bölgədə gərgin gözləmə davam edir.

News24.az xəbər verir ki, İsrail Hərbi Hava Qüvvələri mövcud vəziyyəti qiymətləndirdikdən sonra şəxsi heyətinin xaricə səyahət icazələrini dayandırdığını açıqlayıb.

Gərginliyin azaldılması üçün bütün dünyadan, xüsusilə ABŞ-dan çağırışlar edilir. Eyni zamanda, bölgədəki qarşıdurmaların genişmiqyaslı müharibəyə çevriləcəyindən narahatlıqlar var.

Qeyd edək ki, İsrail HƏMAS, Hizbullah və Yəmən Husiləri də daxil olmaqla İranın dəstəklədiyi bir qrup hərəkatla çox cəbhəli müharibə təhlükəsi ilə üz-üzədir.

Günel Məlikzadə