Təyyarə bu səbəbdən geri QAYITDI - ƏTRAFLI

Soçidən Kazana uçan Ural Hava Yollarına məxsus təyyarə, stüardessanın çiynini çıxarması səbəbindən uçuş stendinə qayıdıb. 

News24.az bu barədə RİA Novosti-yə istinadən xəbər verir.

Uçuşdan əvvəl stüardessa qaydalara uyğun olaraq sərnişinlərə təcili yardım avadanlıqlarını göstərib.

Mənbə bildirib ki, jiletin nümayişi zamanı işçi onu tənzimləmək istəyəndə əlini şiddətlə yelləyib. Nəticədə sol çiyni çıxıb.

Ekipaj üzvü üçün təcili yardım çağırılıb. İşçi xəstəxanaya çatdırılıb və onu başqa stüardessa əvəzləyib. 

Təyyarə Soçi hava limanından bir saat gecikmə ilə ayrılıb.

Məryəm İlhamqızı