![Yaşlı insanlar icarəyə verilir](/uploads/posts/2024-09/1725708975_screenshot_3.webp)
-
- Bu gün, 11:46
- 111
Yaşlı insanlar icarəyə verilir
Yaşlı nəslə hörmətli münasibəti ilə tanınan Yaponiyada qeyri-adi bir xidmət yaranıb. Belə ki, artıq turistlər və yerli sakinlər birgə vaxt keçirmək üçün təqaüdçüləri icarəyə götürə bilirlər.
News24.az bildirir ki, Oxu.Az-ın "Sliva/İrkutsk" "Telegram" kanalına istinadla verdiyi məlumata görə, "Ossan Rental" adlanan yeni xidmət ölkədə sürətlə populyarlıq qazanır.
Elanda deyilir ki, saatda ¥1000 (təxminən 12 manat) ödəniş müqabilində zəngin həyat təcrübəsinə malik bir yoldaş əldə etmək mümkündür. socar vakansiya
"Yaşlı insanlar balıq tutmaq, alış-veriş etmək və ya məşq etmək üçün məmnuniyyətlə yoldaşlıq edəcək, müdrikliklərini və həyat hekayələrini bölüşəcəklər" , - deyə elanda vurğulanır.
Bildirilir ki, bu xidmət dərhal iki problemi həll edir: Darıxan təqaüdçülər boş vaxtlarını dəyərləndirir və əlavə gəlir əldə edirlər, turistlər və yerli sakinlər isə bələdçilərlə müqayisə edilə bilməyən unikal ünsiyyət təcrübəsi qazanırlar.