Şiə və sünni qarşıdurması: 25 ölü

Pakistanın Hayber Paxtunxva əyalətində şiə və sünni qəbilələri arasında qarşıdurma baş verib.

News24.az xəbər verir ki, Hayber Paxtunxva əyalətinin sözçüsü Saif Əli mətbuata verdiyi açıqlamada bölgədəki gərginliyi və torpaq mübahisəsini həll etməyə çalışdıqlarını bildirib.

Bu toqquşmalar nəticəsində ən azı 25 nəfərin həyatını itirdiyini bildirən Əli, onlarla insanın yaralandığını da qeyd edib.

Qeyd edək ki, ağır silahlardan istifadə edilən Hayber Paxtunxva əyalətinin Kurram rayonunda mübahisəli torpaqda tikilən tikiliyə görə rəqib tayfalar arasında münaqişə baş verib.

240 milyon əhalisi olan Pakistanda şiələr ölkənin təxminən 15 faizini təşkil edir. 

Məryəm İlhamqızı