"Qalatasaray"da Musleranı kim əvəz edəcək?

13 ildir "Qalatasaray"ın qapıçısı olan Fernando Muslera sarı-qırmızılıların heyətində son mövsümünü keçirir.

News24.az xəbər verir ki, bu yaxınlarda baş məşqçi Okan Buruk, "Ötən il və bu il ölkəsinə qayıdıb oranı tərk etmək istəyirdi. Ailəsi oradadır. Uşaqları və həyat yoldaşı oradadır. Onun ölkəsinə qayıtmaq fikri var. Muslera gedəndə qapıçı tapmaq asan olmayacaq” deyib.

Uruqvaylı qolkiperin gedişindən sonra "Qalatasaray"ın siyahısında olan adlar açıqlanıb.

"Sarı-qırmızılar"ın ilk pilləsində "Napoli"də çıxış edən Aleks Meretin olduğu qeyd edilib. 27 yaşlı italiyalı qolkiperin müqaviləsi mövsümün sonunda başa çatacaq.

Qeyd olunub ki, yerli namizədlər arasında ilk ad Doğan Alemdar olub.

“Renn”lə 2027-ci ilə qədər müqaviləsi olan milli qolkiper “Qalatasaray” üçün başqa seçim ola bilər.

Nəhayət, sarı-qırmızılılar siyahının digər yerli namizədi Berke Özerdir.

“Eyüpspor”da çıxış edən Berke daha əvvəl “Fənərbağça”nın qapısını qoruyub.

Günel Məlikzadə