Yeniyetmə yeni il gecəsi atasını bıçaqlayaraq öldürüb

Sankt-Peterburqda yeniyetmə qətllə bağlı cinayət işi üzrə təqsirləndirilib.

News24.az xəbər verir ki, yeniyetmə münaqişə zamanı atasını bıçaqlayaraq öldürüb.

İstintaqın məlumatına görə, yanvarın 1-nə keçən gecə 17 yaşlı sərxoş oğlan Mədəniyyət prospektində yerləşən mənzildə mübahisə zəminində atasını sinəsindən bıçaqlayıb. Kişi hadisə yerində dünyasını dəyişib.

REN TV-nin məlumatına görə, övlad ailə başçısından avtomobilin açarlarını tələb edib və ata isə buna etiraz edib. Bundan sonra yeniyetmə stolun üstündən mətbəx bıçağını götürərək, anası və nənəsinin gözü qarşısında atasının ürəyindən bıçaqlayıb.

Qətl faktı ilə bağlı cinayət işi açılıb. İstintaq təqsirləndirilən şəxsin həbs olunmasını tələb edir.

Ağa Dadaşzadə