Bakıda şok hadisə - Türkiyə vətəndaşının bütün əmlakını məhv etdilər

Türkiyə vətəndaşı Bakıda əmlakının məhv edilməsinə görə məhkum edilmiş şəxs barəsində Ali Məhkəməyə müraciət edib.

News24.az-ın məlumatına görə, Bayyığıt Tahirhan Halid oğlu ona məxsus əmlakın qəsdən məhv etmiş Abdullayev Hacıağa Əliqulu oğlunun zərəri ödəmədiyini bildirirək məsələnin yenidən araşdırılmasını xahiş edib. İşə hakim Hafiz Nəsibovun sədrliyi ilə baxılacaq.

Qeyd edək ki, məlum hadisə ilə bağlı Azərbaycan Respublikasının Cinayət Məcəlləsinin 186.2.1-ci, yəni, əmlakı qəsdən məhv etmə və ya zədələmə - külli miqdarda ziyan vurmaqla törədildikdə maddəsi ilə iş açılıb. H.Abdullayev tutularaq məsuliyyətə cəlb edilsə də zərərçəkən tərəf qərardan və zərərin ödənilməməsindən narazı qalıb.