Ölən qız Fizika fakültəsinin tələbəsi imiş

“Tələbərin nədən zəhərləndikləri bəlli deyil. Axşam Təcili Tibbi Yardımın əməkdaşları gəlib iynə vurmuşdular”.

Bu barədə News24.az-a 3 tələbə qızın zəhərləndiyi və onlardan birinin dünyasını dəyişdiyi Bakı Dövlət Universitetinin (BDU) 2 saylı yataqxanasından məlumat verilib. Bildirilib ki, tələbə qızlar ötən gün zəhərləniblər: “Həmin vaxt onların 3-ü də sağ idi. Bayaq tələbələr də deyirdilər ki, qızlar günorta qatıq yeyiblər".

Yataqxanadan həmçinin bildirilib ki, dünyasını dəyişən tələbə Bakı Dövlət Universitetinin Fizika fakültəsinin tələbəsi olub. Xəstəxanada olanlar isə Biologiya və Kitabxanaçılıq fakültələrinin tələbələridir. 

Teymur Məmmədov