Bakıda kişi ilə arvadı arasında dini baxış üstündə dava – AMANSIZLIQLA ÖLDÜRDÜ

Bakıda həyat yoldaşını qətlə yetirmiş şəxs Ali Məhkəməyə müraciət edib.

News24.az-ın məlumatına görə, Azərbaycan Respublikasının Cinayət Məcəlləsinin 120.2.12-ci, yəni,  milli, irqi, dini ədavət və ya düşmənçilik niyyəti ilə adam öldürmə maddəsi ilə təqsirli bilinərək Bakı Ağır Cinayətlər Məhkəməsinin hökmü ilə məhkum edilən Hacıyev Müzəffər Zabit oğlu barəsindəki işin yenidən araşdırılmasını və  hökmün dəyişdirilməsini xahiş edib.

Müraciətə hakim İnqilab Nəsirovun sədrliyi ilə baxılacaq. 

Qeyd edək ki, hadisə 2007-ci iltdə baş verib. Saat 21.00 radələrində Sabunçu rayonu Pirşağı qəsəbəsində qəsəbə sakini Müzəffər Hacıyev ailə münaqişəsi zəminində arvadı Bikəxanımı bıçaqla qətlə yetirib. M.Hacıyev könüllü olaraq Sabunçu RPİ 15-ci PB-yə gəlib.

Araşdırmalar zamanı M.Hacıyevin həyat yoldaşını dini baxışlarına görə öldürməsi müəyyənləşib.