Yol qəzaları ilə bağlı 3 nazirlik QƏRAR VERDİ

"Daxili İşlər Nazirliyi, Səhiyyə Nazirliyi və Fövqalədə Hallar Nazirliyi yol qəzası zamanı hadisə yerinə vaxtında çatma ilə bağlı birgə tədbirlər planı hazırlayıb".

News24.az-ın xəbərinə görə, bunu Baş Dövlət Yol Polis İdarəsinin Yol-Patrul Xidməti şöbəsinin rəisi Kamran Əliyev yol hərəkətinin təhlükəsizliyinə dair 2019-2023-cü il dövlət proqramının müzakirəsi və ekoloji təmiz nəqliyyat vasitələrinin təşviqinə həsr olunan ictimai müzakirələrdə deyib.
O bildirib ki, hər üç nazirliyin rəhbərləri tərəfindən təsdiq edilmiş plan əsasında regionlarda təlimlərə başlanılıb: "Qəza zamanı bu 3 qurumun hadisə yerinə vaxtında çatması və xəsarət alan şəxlərə yardım edilməsi ilə bağlı tədbirlər planı hazırlamışıq. Hər 3 nazirliyin rəhbərləri tərəfindən təsdiq olunmuş plan üzrə regionlarda bu təlimlərin keçirilsinə başlanılıb. Artıq belə təlimlərdəm biri Gəncədə keçirilib". 

Teymur Məmmədov