Röya 75 yaşlı Nahidə nənə üçün CANLI OXUDU - VİDEO

Azərbaycanın xalq artisti Röya Ayxan Heydər Əliyev Fondunun təşəbbüsü ilə təşkil olunan “HƏYATIN DƏYƏRLİDİR! EVDƏ QAL, AZƏRBAYCAN!” sosial layihəsinə qoşulub. 

News24.az xəbər verir ki, Röya 75 yaşlı Nahidə xanımın virtual qonağı olub və onun üçün "Yenə gəldi yaz ayları" mahnısını canlı olaarq ifa edib. 

"Böyük məmnuniyyətlə 75 yaşlı Nahidə xanımın virtual qonağı oldum. Bu gözəl xanımımızın evdən çıxmadan sevdikləriylə daim ünsiyyətdə olması üçün ona öz hədiyyəmi təqdim etdim. Ömrümün ən gözəl, ən şirin nəğməsi Sizsiz! Bu gözəl nəğmələrin daimi olması üçün EVDƏ QALIN! Mən də evdəyəm! Göndərdiyim hədiyyənin çatdırılmasında mənə kömək edən @regionalinkishaf üzvlərinə təşəkkür edirəm" deyərək sənətçi layihəylə bağlı fikirlərini bölüşüb.