"Karantin prosesinin ani ləğvi bizə problem yarada bilər" - Komitə sədri

"Avropa ölkələrində yoluxma halları artmaqda davam edir. Azərbaycanda isə hazırkı vəziyyət bizi sevindirir. Bu isə görülən tədbirlərin nəticəsidir. Lakin bu, bizi arxayınlaşdırmamalıdır. Karantin prosesinin ani ləğvi bizə problem yarada bilər. Ona görə bu proses yavaş-yavaş reallaşır. Bu məsələdə medianın üzərinə böyük yük düşür. Onlar dolğun məlumatları insanlara çatdırmaqla böyük funksiyanı yerinə yetirirlər".

News24.az xəbər verir ki,  bunu Operativ Qərargahın brifinqində TƏBİB-in İdarə Heyəti yanında tibbi-elmi komitənin sədri Akif Qurbanov deyib.