Rusiya Krımda genişmiqyalı hərbi təlimlərə BAŞLADI

Rusiya Silahlı Qüvvələrinin Krımdakı Opuk poliqonunda genişmiqyaslı hərbi təlimləri başlayıb.

News24.az xəbər verir ki, bu barədə Rusiya Müdafiə Nazirliyi məlumat yayıb. Bildirilib ki, təlimlərdə 10 mindən çox hərbçi, 1,2 min texnika və 40 döyüş gəmisi iştirak edir.

Təlimlərə Rusiya Müdafiə naziri Sergey Şoyqu da qoşulub.

Təlim zamanı raket və hava zərbələri və onların qarşısının alınması, pilotsuz təyyarələrin, qanadlı raketlərin istifadəsi, həmçinin hərbi və dəniz hava hücumundan müdafiə vasitəsi ilə onlara qarşı mübarizə aparılır.