Ali məktəblərə qəbul imtahanlarının tarixləri elan olundu - QRAFİK

Ali təhsil müəssisələrinə qəbul imtahanlarının tarixləri elan olunub.

Bu barədə News24.az-a Dövlət İmtahan Mərkəzindən məlumat verilib.

Bildirilib ki, ali və orta ixtisas təhsili müəssisələrinə qəbul imtahanlarının II mərhələsi, əvvəlki illərin məzunları üçün qəbul imtahanlarının I və II mərhələsi, əlavə tədris və xarici dil imtahanlarının aşağıdakı qrafikə uyğun keçirilməsi planlaşdırılır.

Ali təhsil müəssisələrinə qəbul imtahanlarının 2-ci mərhələsinin 2-ci cəhdinin keçirilib-keçirilməməsi haqqında avqust ayında respublikada mövcud olacaq sanitar-epidemioloji vəziyyətə uyğun olaraq qərar veriləcək.

S/s	İmtahanın adı	Keçirilmə tarixi
1.	- Əvvəlki illərin məzunları üçün qəbul imtahanının I mərhələsi; - Müsabiqədə buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı; - qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan.	1 iyul
2.	Bakalavriat səviyyəsinə qəbul imtahanı (II mərhələ), 1-ci cəhd:
	III ixtisas qrupu	14 iyul
	II və IV ixtisas qrupları	15 iyul
	I ixtisas qrupu	27 – 28 iyul