Qətl edilən "göyərçin" - Video

Azərbaycan Uşaqlar Birliyinin sədri Kəmalə Ağazadə 3 ay öncə sığınacağa yerləşdirilən bacı və qardaşın arzusunu reallaşdırıb.

News24.az xəbər verir ki, K.Ağazadə "Facebook" hesabında məlumat verib. 

O bildirib ki, Aynur qardaşı Fəzail ilə analarının 2 il öncə ataları tərəfindən qətlə yetirilməsinin şahidi olublar: "Qohumlarının qəyyumluğunda olan bu mələklər orda da bir gün görməyiblər. Aynur hər dəfə məscidi görəndə "Orda göyərçinlər çoxdur... Kəmalə xala, anam mənim göyərçinim idi... Həmişə sakit, səsini belə eşitməzdik. O qədər gözəl idi ki, ağ göyərçinə bənzəyirdi, ANAMIZ. Məncə anam elə göyərçin olub, göylərə gedib. Ordan bizə baxır" deyirdi. Aynurun göyərçin "ANA" xəyalını gerçəkləşdirdik".