“Novruz Qartal son günlərini birotaqlı da olsa, öz evində yaşamaq istəyir”

Parlamentin Mədəniyyət komitəsinin sədri Qənirə Paşayeva ağır vəziyyətdə olan Əməkdar artist Novruz Qartalla bağlı  müvafiq qurumlara çağırış edib.

Deputat parlamentin bu gün keçirilən plenar iclasında bildirib ki, Novruz Qartal hər zaman bir sənətkar kimi ön cəbhələrdə əsgər və zabitlərimizin qarşısında çıxış edib, mədəniyyət sahəsinə öz töhfələrini verib:

“Novruz Qartal bu gün çox ağır vəziyyətdə kirayədə yaşayır. Sosial-maddi durumu çox çətindir. Bir neçə gün əvvəl onu ziyarət etdik. Novruz Qartalın ən böyük istəyi ömrünün son günlərini birotaqlı da olsa, öz evində yaşamaqdır. Mən müvafiq dövlət qurumlarına, tikinti şirkətlərinə üz tutaraq Azərbaycan mədəniyyətinə önəmli töhfələr vermiş sənətkarın son arzusunun həyata keçməsi üçün dəstək göstərməyə çağırıram”. /Qafqazinfo.az/