"Ali təhsil ocaqlarına qəbul sistemi elektronlaşdırılacaq" - Emin Əmrullayev

"Ali təhsil ocaqlarına qəbul sisteminin elektronlaşdırılması nəzərdə tutulub. Ancaq bunun üçün əvvəlcə prosesi düzgün planlaşdırmalıyıq".

News24.az xəbər verir ki, bunu Prezidentin müvafiq sərəncamları ilə bağlı keçirilən brifinqdə təhsil naziri Emin Əmrullayev deyib.

Nazir eləcə də rayon təhsil şöbələrində çalışanların taleyinin necə olacağına aydınlıq gətirib.

Dünən təhsillə bağlı imzaladığı sərəncamlara dair brifinqdə bildirib ki, regional idarələrin yaranması rayon şöbələrin ləğv edilməsi demək deyil.

“Həmin şöbələrdə çalışan işçilər dövlət qulluğu haqqında qanunvericiliyə görə yeni strukturda işlə təmin olunacaqlar. Əgər həmin şəxslər rayon təhsil şöbələrində dövlət qulluğunda daimi müqavilə ilə çalışırdılarsa, onlar işsiz qalmayacaq. Yerli idarəetmə strukturunda və ya idarənin özündə təyinat məsələsinə baxılacaq”.