Azərbaycanın 14 xəstəxanasında orqan köçürülməsi həyata keçirilir - SİYAHI

Azərbaycanın 14 xəstəxanasında orqan köçürülməsi həyata keçirilir (SİYAHI)Azərbaycanda donor orqanların götürülməsi, hazırlanması, saxlanması, daşınması, idxalı və ixracını həyata keçirən tibb müəssisələrinin siyahısı məlum olub.

News24.az "Report"un məlumatına görə, hazırda ölkədə 14 tibb müəssisəsinə bununla bağlı icazə verilib.

Həmin xəstəxanaların siyahısını təqdim edirik: 

1. Akademik Mirməmməd Cavadzadə adına Respublika Kliniki Uroloji Xəstəxanası	böyrəklər
2. Azərbaycan Respublikası Dövlət Gömrük Komitəsinin Tibbi Xidmət İdarəsinin Mərkəzi Hospitalı	qaraciyər, mədəaltı vəzi və onun seqmentləri, böyrəklər, gözün buynuz qişası
3. Azərbaycan Respublikası Dövlət Təhlükəsizliyi Xidmətinin Hərbi-tibb baş idarəsinin Hərbi Hospitalı	qaraciyər, böyrəklər, mədəaltı vəzi, nazik bağırsağın bir hissəsi
4. Akademik Zərifə Əliyeva adına Milli Oftalmologiya Mərkəzi	gözün buynuz qişası
5. Mərkəzi Neftçilər Xəstəxanası	qaraciyər, böyrəklər, mədəaltı vəzi və onun seqmentləri, nazik bağırsağın bir hissəsi, gözün buynuz qişası
6. "Mərkəzi Klinika” MMC	böyrəklər, qaraciyər, ürək, ürək-ağciyər kompleksi, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi
7. Respublika Müalicəvi Diaqnostika Mərkəzi	ürək, ağciyər (ürək-ağciyər kompleksi), qaraciyər, böyrəklər, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi
8. Milli Hematologiya və Transfuziologiya Mərkəzi	sümük iliyi
9. Azərbaycan Tibb Universitetinin Tədris-Cərrahiyyə Klinikası	qaraciyər, böyrəklər
10. "Gəncə Müalicə Diaqnostika Mərkəzi” MMC	böyrəklər, qaraciyər, ürək, ürək-ağciyər kompleksi, mədəaltı vəzi və seqmentləri, nazik bağırsağın bir hissəsi, gözün buynuz qişası, sümük iliyi
11. "Dünya Göz Azərbaycan” MMC	gözün buynuz qişası
12. Bakı Sağlamlıq Mərkəzi	qaraciyər, ağciyər, böyrəklər
13. Baku Medical Plaza	ağciyər
14. Bona Dea Beynəlxalq Xəstəxanası	ürək, böyrəklər, qaraciyər, mədəaltı vəzi, nazik bağırsağın bir hissəsi, gözün buynuz qişası

Qeyd edək ki, bu ilin yanvar ayının 1-dən ölkədə "İnsan orqan və toxumalarının donorluğu və transplantasiyası haqqında” qanun qüvvəyə minib.