Tramp porno aktrisadan 800 min dollar tələb edir
    • 4-12-2018, 13:08
    • 2 142

Tramp porno aktrisadan 800 min dollar tələb edir

Amerikalı porno aktrisa Stefani Klifford ABŞ prezidenti Donald Trampa qarşı müraciət etdiyi məhkəməni uduzub. 

News24.az xəbər verir ki, aktrisa 12 il öncə D.Trampla gecə keçirdiyini açıqladıqdan sonra, prezidentin vəkili bunun yalan olduğunu bildirib. 

Rəsmi açıqlamadan əsəbləşən S.Klifford qarşı tərəfi məhkəməyə verib. Bir neçə aydır davam edən məhkəmə prosesi bu günlərdə yekunlaşıb. 

Hakim Stefani Kliffordun iddiasını təmin etməyib və aktrisa məhkəməni uduzub. 

Məsələ bununla da yekunlaşmayıb. ABŞ prezidenti hazırda porno aktrisadan 800 min dollar təzminat tələb edir. Bu məbləğ D.Trampın məhkəmə prosesi zamanı çəkdiyi xərclərdir. 

Qarşı tərəfin vəkili isə tələb olunan təzminatın şişirdilmiş olduğunu bildirib. 

Teymur MƏMMƏDOV