“İran indi anladı ki, Ermənistan ona XƏYANƏT ETDİ...” – Azərbaycanın masada ƏLİ GÜCLƏNİR - ŞƏRH

“Münaqişələrin həlli ilə bağlı bir neçə nəzəriyyə var. Bu nəzəriyyələrin hər bir yekunda ölkələrinin milli maraqlarına bağlanır. Azərbaycan və Ermənistan arasında uzun müddətdir ki, qarşıdurma var. Biz məsələnin həllinin tez olacağına ümid etməməliyik. Çünki son 200 ildə ermənilər birmənalı şəkildə rusların bölgədə “dəyənəyi” olublar”. 

Bunu News24.az-a açıqlamasında politoloq Cümşüd Nuriyev deyib.

O bildirib ki, ermənilər etno-korporasiyadır: “Onlar daim nökər olublar. Ruslar son 104 il ərzində istədilər ki, bu etno-korporasiyadan bir millət düzəltsinlər. Ancaq bu, alınmadı. Çünki onlarda qul psixologiyası və fitnə var. Bundan əlavə, ermənilər natamamlıq kompleksindən əziyyət çəkirlər”. 

Politoloq vurğulayıb ki, Praqa görüşü Azərbaycan diplomatiyasının qələbəsi kimi qeyd oluna bilər: “İlham Əliyev təbaşına Fransa-Ermənistan duetini məğlub etdi. Eyni zamanda Ermənistanı çox böyük bir bəlaya saldı. Hələ ermənilər bunu başa düşmür. Avropa İttifaqının Ermənistan-Azərbaycan sərhədinə missiya göndərməsi ermənilərin İranla olan yaxın münasibətlərinə və Rusiyanın “dəyənəyi” statusuna son qoydu. Praqa görüşünün nəticəsi o oldu ki, Ermənistanın Azərbaycanın əli ilə bölgədə təkləndi. Dünən artıq İran bəyanat verdi ki, bölgəyə hansısa missiyanın gəlməsini istəmir. İran indi anladı ki, Ermənistan onlara xəyanət etdi. Rusiya ilə münasibətlər də Ermənistan tərəfi üçün getdikcə çətinləşir. 

Sülh sazişinin 9 noyabrda imzalanma ehtimalı ilə bağlı erməni mediasının yaydığı məlumatlar isə yalandır. İlham Əliyev peşəkar siyasətçidir. Hər hansısa bir sülh sazişi hazırlamaq üçün minimum iki-üç ay tələb olunur. Çünki əvvəlçə işçi qrupları razılaşdırılır, daha sonra səhifələr imzalanır. Bu, baş tutmadığı təqdirdə sülh sazişindən söhbət gedə bilməz. Hələlik işçi qrupu var. Ancaq onlar işə başlamayıblar. Buna görə də sülh sazişi bu ilin sonuna qədər imzalansa, böyük uğur olar. Bir nüans da var ki, delimitasiya məsələsində İlham Əliyev çox ağıllı davrandı, il qoymadı. Çünki Ermənistan tərəfi 1991-ci ili gündəmə gətirir. 1920-ci il aprelin 28-də SSRİ müstəqil Azərbaycanı işğal edəndə ərazimiz 114 min kvadrat kilometr olub. Ərazilərimizin 27.1 kvadrat kilometri oğurlanıb. 20 min kvadrat kilometr Ermənistana verilib. Daha sonra Gürcüstan, İran və Rusiyada da bəzi ərazilərimiz var. Ancaq biz buna da göz yumduq”. 

C.Nuriyev qeyd edib ki, ermənilər Azərbaycanın ərazi bütövlüyünü tanımaqla Rusiyanın Qarabağda yerləşdirilən sülhməramlı qüvvələrini də sual altında saxladılar: “Yəni beynəlxalq hüquqa görə Ermənistan üçtərəfli bəyannamədən imtina edir və sülhməramlı qüvvələrin Qarabağda yerləşdirilməsinin qeyri-qanuni olduğunu gündəmə gətirir. Azərbaycan 6 ay ərzində bu bəyyanamədən imtina edə bilər. Çünki həmin bəyyannamə Azərbaycan Parlamentində ratifikasiya olunmayıb. Qısası, İlham Əliyev beynəlxalq hüququn normalarını Azərbaycanın xeyrinə dəyişdi. Bütün bunlar Praqa sammitində baş verdi”.