Şəhidlərin cənazəsi hərbi təyyarə ilə Türkiyəyə aparılacaq

"Şəhidlərimizin cənazələri axtarış-xilasetmə qrupumuzu Gürcüstana aparan A-400M təyyarəmizlə ölkəmizə gətiriləcək".

News24.az xəbər verir ki, bu barədə Türkiyə PA-nın kommunikasiya şöbəsinin direktoru Burhanəddin Duran açıqlayıb.

"Axtarış-xilasetmə qrupları Azərbaycan-Gürcüstan sərhədində qəzaya uğrayan təyyarəmizlə bağlı işlərini davam etdirir. Şəhidlərimizin cənazələri axtarış-xilasetmə qrupumuzu Gürcüstana aparan A-400M təyyarəmizlə ölkəmizə gətiriləcək. Axtarış-xilasetmə işlərinin əvvəlindən bütün resurslarını səfərbər edən Gürcüstan hakimiyyətinə sürətli reaksiya və dəstəyə görə təşəkkür edirik. Məsələ ilə bağlı yenilikləri paylaşmağa davam edəcəyik", - deyə o qeyd edib.