Təklifimizi Bakı alqışladı, İrəvan qarşı çıxdı - Rusiya buna imkan verməyəcək!

“Rusiyanın əsas səyləri, şübhəsiz ki, xüsusi hərbi əməliyyatda uğur əldə etmək istiqamətinə yönəlib. Buna baxmayaraq, Moskva heç bir halda Cənubi Qafqazdan strateji prioritet kimi imtina etmir. Biz Rusiya rəsmilərinin xarici siyasətlə bağlı, o cümlədən Ermənistanda baş verən hadisələrə reaksiyası, Qərblə yaxınlaşmasının gücləndirilməsi ilə bağlı mütəmadi rəsmi açıqlamalarının da şahidi oluruq”. 

News24.az xəbər verir ki, bunu “Milli Müdafiə” jurnalının baş redaktoru İqor Korotçenko deyib.

O bildirib ki, Rusiya Azərbaycanla Ermənistan arasında münasibətlərin nizamlanmasında əsas vasitəçi rolundan əl çəkmək niyyətində deyil, bundan sonra da fəal oyunçu olacaq və bu məsələdə Cənubi Qafqazda sülhün bərqərar olması üçün hər şeyi etməyə davam edəcək. 

“Rusiyanın Cənubi Qafqazda nəqliyyat və iqtisadi kommunikasiyaların açılması məsələsində aydın mövqeyi var, o cümlədən Qərbin iqtisadi blokadası şəraitində Avropa limanları vasitəsilə logistika marşrutları artıq mümkün deyil. Rusiya Şimal-Cənub nəqliyyat dəhlizinin tezliklə işə salınmasında və infrastrukturunun tammiqyaslı inkişafında ciddi maraqlıdır. Rusiya da Zəngəzur dəhlizinin tezliklə işə salınmasında maraqlıdır, üstəlik, məhz Kremlin təşəbbüsü ilə 2020-ci ilin noyabrında Rusiya, Azərbaycan və Ermənistan liderlərinin üçtərəfli bəyanatında Zəngəzur dəhlizinə nəzarətin Rusiya FTX-nin sərhəd xidməti tərəfindən həyata keçiriləcəyi qeyd edilib. 

Azərbaycan buna etiraz etmir və alqışlayır. Təbii ki, Rusiya bunda maraqlıdır, lakin Paşinyan komandasının əsas üzvlərinin son bəyanatları bir daha göstərir ki, Ermənistan Rusiyanın FTX sərhəd xidməti tərəfindən Zəngəzur dəhlizində nəzarəti həyata keçirməsi ideyasını qəti şəkildə rədd edir, qəbul etmir və bunun qarşısını almaq üçün hər şeyi edəcək”, - İ.Korotçenko qeyd edib.

Akqabay