Çilidə daşqınlarda 3 NƏFƏR ÖLDÜ

Çilinin mərkəzi və cənub bölgəsində həftəsonundan davam edən leysan yağışları nəticəsində 3 nəfər həyatını itirib.

News24.az xarici mediaya istinadən xəbər verir ki, leysan yağışların səbəb olduğu daşqınlarda indiyədək 3 nəfərin öldüyü, 33 min 200 nəfərin təxliyə edildiyi bildirilib.

Axtarış-xilasetmə işlərinin davam etdiyi O'Higgins, Maule, Nuble və Biobio bölgələrində küçələr su ilə dolduğu üçün çox sayda ev və avtomobilə ziyan dəyib.

Meteroloqların son məlumatlarına görə, mərkəzi və cənub rayonlarında yağıntıların azalacağı gözlənilir.
Günəş Mərd