Qırğızıstandan vizalarla bağlı yeni qanun - Azərbaycana da təsir edəcək

Qırğızıstanın Xarici İşlər Nazirliyi bəzi MDB ölkələrinin xarici vətəndaşları üçün məhdudiyyətlərə dair yeni viza qanununa aydınlıq gətirən mesaj yayıb.

News24.az xəbər verir ki, oktyabrın 10-da Qırğızıstan Respublikasının Nazirlər Kabineti xarici vətəndaşların ölkə ərazisində olma qaydası haqqında Əsasnaməni təsdiq edib.

Qırğızıstan Xarici İşlər Nazirliyi qeyd edir ki, bir sıra yeni yaşayış qaydaları Avrasiya İqtisadi İttifaqına (Aİİ) üzv olan ölkələrin vətəndaşlarına da şamil edilir.

Xüsusilə, bu dövlətlərin vətəndaşları ölkəyə daxil olduqları gündən hər 180 gündə 90 gündən çox olmayan müddətə icazə almadan Qırğızıstan ərazisində qalırlar.

Müvafiq olaraq, xarici dövlətlərin vətəndaşları Qırğızıstan Respublikasının ərazisində uzunmüddətli (90 gündən çox) qalmaq üçün xarici vətəndaşın (ailə) səfərinin məqsədindən (təhsil, iş və s.) asılı olaraq, yaşayış hüququ verən sənədləri almaq üçün səlahiyyətli orqanlara müraciət etməlidirlər. 

Belə sənədlərə aşağıdakılar daxildir: yaşayış yerində qeydiyyat, yaşayış icazəsi, müvəqqəti yaşayış icazəsi, həmçinin “Kyrilman” və ya “Meken-kart” statusu.

Nazirlik xatırladır ki, Rusiya, Azərbaycan, Qazaxıstan, Tacikistan, Ermənistan, Belarus, Gürcüstan və Moldova respublikaları vətəndaşlarının qeydiyyatı qalma məqsədindən asılı olaraq daha da uzatmaq hüququ ilə altı aydan çox olmayan müddət ərzində həyata keçirilir.

Xarici vətəndaşların və vətəndaşlığı olmayan şəxslərin yetkinlik yaşına çatmayan uşaqlarının qeydiyyatı onların valideynlərinin, qəyyumlarının və digər qanuni nümayəndələrinin qeydiyyatı ilə eyni vaxtda həyata keçirilir.

Akqabay