Rusiyada azərbaycanlını kartofa görə öldürdülər

Rusiyanın Moskva vilayətinin Leninski rayonunda azərbaycanlıların iştirakı ilə atışma baş verib.

News24.az "Report"-a istinadən xəbər verir ki, insident nəticəsində 32 yaşlı azərbaycanlı xəstəxanaya gedərkən yolda ölüb. Onu xəstəxanaya başından güllə sıyrığı yarası alan yoldaşı çatdırıb.

Hadisəyə 15 tonluq çürük kartof səbəb olub. Tacirlər öz həmvətənlərindən aldıqları kartofun keyfiyyətsiz olduğunu müəyyənləşdirdikdən sonra çürük məhsula görə ödədikləri pulu geri almağa çalışıblar.

Faktla bağlı Rusiya Cinayət Məcəlləsinin "Qətl törətmək", "İki və ya daha çox insanı öldürməyə cəhd", "Odlu silahın qanunsuz alınması, ötürülməsi, satışı, saxlanması, daşınması" maddələri üzrə cinayət işi açılıb.