Huawei-dən yeni qatlana bilən telefon

"Huawei" qatlanan telefon biznesində payını artırmaq üçün səylərini davam etdirir. Çin markası 2022-ci ildə satışa çıxaracağı Pocket S-in davam modelində son mərhələyə keçib. Əslində şirkət bu yaxınlarda "Huawei Pocket 2" adlı qatlana bilən telefonun təqdimat tarixini açıqlayıb.

News24.az xəbər verir ki, "Huawei" Weibo-da bir paylaşımda "Pocket 2" modelinin fevralın 22-də təqdim ediləcəyini bildirib. "P50 Pocket və Pocket S" dizayn dilini davam etdirməsi gözlənilən telefon, konsept baxımından içəriyə doğru qatlanacaq və "Galaxy Z Flip 5" kimi modellərlə rəqabət aparacaq.

"Huawei Pocket S2" modeli haqqında yeni detalları açıqlanıb.  Müvafiq olaraq, qatlana bilən telefonun arxa  panelində iki dairəvi modulda üçlü kamera quruluşu olacaq. Ön tərəfdə bizi perforasiya edilmiş ekran dizaynı qarşılayacaq.

Qatlana bilən telefonda 5G dəstəkli çipset olan Kirin 9000S istifadə ediləcək. Bundan əlavə, 66 Vt simli sürətli şarjı dəstəkləyən 4,520 mAh batareya ilə təchiz ediləcək. Həmçinin, şüşə arxa panelli boz rəngdə və dəri arxa panelli bənövşəyi rəngdə olacaq. Üstəlik, onun 12 GB-a qədər RAM və 512 GB-a qədər yaddaşa sahib olacağı gözlənilir. Peyk bağlantısı və suya davamlı konstruksiya vasitəsilə mesajlaşma dəstəyi kimi digər xüsusiyyətləri də təqdim edəcəyi gözlənilir.

Günel Məlikzadə