Priqojin məhbusları müharibəyə bu vədlə aparırmış - Sirr açıldı

Yevgeni Priqojin “Vaqner” özəl hərbi şirkətinə (PMC) işə qəbul zamanı məhbuslara ayda 100 min rubl vəd edirmiş.

Bu barədə “Lüter” çağırış işarəsi olan döyüşçü “WarGonzo” layihəsinin teleqram kanalında məlumat verib.

Lüter qeyd edib ki, razılaşmaya baxmayaraq, döyüşçülərə verilən ödənişlər iş adamının vəd etdiyindən fərqli olub.

“Konkret olaraq, Priqojinin sözləri belə idi: “Uşaqlar, bir seçim var - altı aylıq müqavilə, bütün cinayət qeydləri sizdən silinəcək, ayda 100 min maaş". Əslində, bizə daha çox maaş verildi, baxmayaraq ki, bunu etməyə də bilərdilər”, - hərbçi bildirib.

O əlavə edib ki, həmin şəxslərdən cəmi bir neçə nəfər müharibədən sağ çıxa bilib. (Publika.az)