İlk dəfə dünyanın ən varlı adamı seçildi

Amazonun qurucusu Ceff Bezos 2021-ci ildən bəri ilk dəfə dünyanın ən varlı adamları reytinqində birinci yeri tutub.

News24.az xəbər verir ki, bu barədə “Bloomberg” məlumat yayıb.

Məlumata  görə, Bezosun sərvəti son 24 saat ərzində 500 milyon dollar azalıb və hazırda 200 milyard dollar qiymətləndirilir.

İkinci yerə sahibkar, Tesla-nın icraçı direktoru və X sosial şəbəkəsinin (keçmiş Twitter) sahibi İlon Mask düşüb. Onun sərvəti 198 milyard dollar qiymətləndirilir.İlk üçlüyü LVMH (Louis Vuitton Moet Hennessy) şirkətlər qrupunun sahibi fransalı Bernard Arno qapayır. Onun sərvəti bir gecədə 197 milyard dollara düşüb.

Həmçinin qeyd olunur ki,  ən varlı rusiyalı Vladimir Potanindir (31,4 milyard dollar). O, 48-ci yerdədir. Leonid Mixelson (26,7 milyard dollar) və Vahid Ələkbərov (26,5 milyard dollar) müvafiq olaraq 66-cı və 67-ci yerdədir.

Mehriban Mirzəzadə