Disney-in məğlubiyyəti

Disney-in CEO-su Bob İqer son müsahibəsində "Netflix" haqqında böyük bir etiraf etdi. Texnologiya baxımından hələ də rəqiblərindən geri qaldıqlarını etiraf edən İger istifadəçiləri saxlamaq üçün daha çox pul xərcləməli olduqlarını iddia edib. "Disney Plus" platforması qısa müddət ərzində 150 milyon üzv sayını ötsə də, platformadakı məzmuna böyük sərmayə qoyan şirkət üçün daha çox ehtiyac var. 

News24.az xəbər verir ki, lazım olan texnologiyaların tətbiqi üçün çox çalışdıqlarını ifadə edən İger, marketinq xərclərinin rəqiblərindən qat-qat yüksək olduğunu bildirdi. Əlbəttə ki, bu xərc fərqi Netflix-ə yayım sənayesində geniş fəaliyyət imkanı verir. Baş direktor, həmçinin platformada məzmun zənginliyinin mühüm meyar olduğunu bildirərək, kifayət qədər müxtəlif məzmun hovuzuna malik olmadıqları təqdirdə abunə müddətlərinin qısaldılacağını vurğuladı.

"Hulu və Star" adlı axın platformalarının onları rəqabətdə önə çəkə biləcəyinə inandığını ifadə edən İger, istifadəçilərə birdən çox platforma təqdim etməyin vacibliyinə toxundu. Bu geniş məzmun təchizatı ilə abunə uzunluğunun artacağı gözlənilir. Bundan əlavə, Disney Plus-ın xüsusilə gənc nəsilləri cəlb etmək üçün bəzi kampaniyalar başlatması da gündəmdədir. 

Günel Məlikzadə